Nagising ako ng umagang iyon. Tiningnan ko ang sinag ng araw na nagmumula sa labas. Hinawi ko ang kurtina.

Ang ganda ng araw.

Pero mas maganda ako.

Char.

Pero seryoso, saan na nga ba ako dinala ng aking kwento? Minsan dahil sa napakalaking sakripisyong ginawa ko sa pagpapalit katauhan para imbestigahan ang pamilyang hindi ko naman kaano-ano, hindi ko alam kung ano ang kahihinatnan ng lahat ng ito pagkatapos matuklasan ang misteryo na bumabalot sa pagkamatay ni Victor Saavedra.

Pero syempre sa imaheng mayroon ako bilang Alexis Saavedra at sa ganda ko, alam ko namang kaya ko. Sa ngalan ng mga sangre ng Encantadia at ni Ate Vi at sa napipintong remake ng Darna. Ako, si Alexander bilang si Alexis Saavedra ay magwawagi sa world war na itey.

Kinuha ko ang files na nasa drawer ko at tiningnan ang mga impormasyong naroon. Kailangan kong isa-isahin ang mga taong huling nakausap ni Victor Saavedra bago siya mamatay. Ganito ba talaga kapag ang namamatay ang mayayaman kailangang pagtuunan ng pansin?

Siguro.

Napadako ang tingin ko sa teddy bear at sa isang bandehadong fried chicken na nasa ibabaw ng mesa sa loob ng kwarto.

Grabe naman sila.

Mukha na ba akong bird flu at ang dami naman ng manok na iyon.

May nakalagay na card sa bandang gilid nito. Agad ko itong binasa.

Alexis,

Nagluto ng fried chicken ang kuya. Pasensya ka ah yan lang nakayanan ko. Hayaan mo kahit namang kumain ka ng limpak limpak na manok. You’re still beautiful in my eyes. And I hope that’s enough.

Ang kuya mong gwapo,

Lester

So ayun na nga pwede namang wag munang madaliin ang pagsolve kaso. Kayo naman masyado kayong nagmamadali eh.

Haaay. Ang hirap talaga maging maganda.

Afford rin sana ng ganda ko ang forever.

Charot!!!